Бэлдмэлд мэдрэг бактериар үүсгэгдсэн дараах халдварын гаралтай үрэвсэлт өвчний эмчилгээнд хэрэглэнэ. Амьсгалын зам, чих хамар хоолойн халдвар (гуурсан хоолойн архаг үрэвслийн цочмог сэдрэл, хамрын ойролцоох дайвар хөндийн халдвар, хэнгэргэн хальсны үрэвсэл, микоплазм, риккетси, хламидаар үүсгэгдсэн уушигны зарим халдвар), шээс бэлгийн замын халдвар шээсний сүвний үрэвсэл, түрүү булчирхайн үрэвсэл, хүндрэлгүй заг хүйтэн, эм бэлэг эрхтэний халдвар, пенициллинд харшилтай өвчтөний тэмбүү, шээсний замын халдвар), хоол боловсруулах зам ба цөсний замын халдвар, арьсны өвчин (хүнд явцтай энгийн батга, улаан батга), нүдний салст бүрхүүлийн үрэвсэл, Бруцеллёз, орнитоз, бартонеллез, листериоз, риккетсиоз, мелиоидоз, тарваган тахал, цавины granuloma зэрэг ховор тохиолдох халдвар, бусад эмгэг (гэдэсний шимэгдэлт өөрчлөгдөх, Уиплийн өвчин зэрэг шимэгдэлтийн алдагдлын хам шинж, хоол боловсруулах явц хямарсантай холбоотой эмгэг), мэс ажилбарын дараах идээт хүндрэлээс урьдчилан сэргийлэх зорилгоор тус тус хэрэглэнэ.
Нэг капсул нь 100 мг доксициклиний хиклатыг агуулна. Туслах бодисууд Натрийн карбоксиметил цардуул, магнийн стеарат, цардуул,тальк.
Эмчийн жорын дагуу ууж хэрэглэнэ.
Бэлдмэлийн найрлага дахь бодисуудад хэт мэдрэг хүмүүс, мөөгөнцөрийн өвчний үед, лактоз үл тэвчих, лактаза ферментийн дутагдлын үед, элэгний хүнд хэлбэрийн дутагдлын үед, лейкопенитэй өвчтөнд, хөхүүл эх, жирэмсэн үед, 8 хүртэлх насны хүүхдэд хэрэглэхийг хориглоно.
